“Yeni Müsavat” qəzetinin reportyor qrupu hazırda Tovuz rayonunun Ağdam kəndinə ezam olunub.

Əməkdaşlarımız İlkin Muradov və Məhəmməd Türkmən kənddəki son vəziyyətlə bağlı məlumatları çatdırırlar.

Reportyor qrupumuz xəbər verir ki, hazırda Ağdam kəndinin düşmənlə sərhəddə olan son yaşayış evindədirlər. Çəkiliş aparılan ərəfədə ermənilər ağır artilleriyadan yaşayış məntəqələrini atəşə tutmaqda davam edib.

Əməkdaşlarımız həmin görüntüləri də lentə ala biliblər.

Kənd sakini Nəsif Yusifov əməkdaşlarımıza bildirib ki, dünəndən etibarən kənd atəşə tutulub. Ona məxsus olan evə də ciddi zərər dəyib. Evin həyətinə qəlpələr tökülüb.

Reportyorlarımızla söhbət zamanı kənd sakinləri bildiriblər ki, düşmənin atəşi dəfələrlə ordumuz tərəfindən susdurulub.

Ağdam kəndindən düşmənin hədəf olaraq seçilən, vurlan məntəqələrini də müşahidə etmək mümkündür.

Əməkdaşlarımız daha geniş məlumatlar verəcəklər.