"Yeni Müsavat" qəzeti sabahdan həftədə 6 dəfə nəşr olunma rejiminə qayıdır

Xəbər verdiyimiz kimi, “Yeni Müsavat” qəzeti yay tətili ilə əlaqədər müvəqqəti olaraq, həftədə 5 dəfə nəşr olunurdu. 

“Yeni Müsavat”ın redaksiyasından “Minval.info”ya bildirilib ki, qəzetin əməkdaşlarının yay tətili ilə bağlı məzuniyyətləri artıq sona çatıb.

Ona görə də “Yeni Müsavat” qəzetinin rəhbərliyi tərəfindən qəzetin ənənəvi xarakter daşıyan həftədə 6 dəfə nəşr olunma rejiminin bərpası barədə qərar verilib.

Sabahdan – 1 oktyabr tarixindən etibarən “Yeni Müsavat” qəzeti hər həftənin bazarertəsi günləri də satış köşklərində oxucuların ixtiyarında olacaq.