Yaponiya müdafiə büdcəsini 500 milyard dollara çatdıracaq

Yaponiya hökuməti və iqtidar koalisiyası, Baş nazir Sanae Takaiçinin ölkənin hərbi qabiliyyətlərini gücləndirmək istiqamətində müdafiə xərclərini növbəti beş ildə təxminən iki dəfə artırmağı nəzərdən keçirir. Bu plan çərçivəsində müdafiə büdcəsinin 70 trilyon ilə 80 trilyon yen (təxminən 457 milyard ilə 508 milyard dollar) arasında olması gözlənilir.

Minval.info xəbər verir ki, əgər bu təklif qəbul edilərsə, büdcə 2023-cü mali ilində başlayan mövcud beş illik planla müqayisədə təxminən 1,8 dəfə artmış olacaq. Hökumət ilin sonuna doğru büdcəni hazırlayarkən və təhlükəsizliklə bağlı üç əsas sənədini yenidən nəzərdən keçirərkən bu rəqəmlərin dəyişə biləcəyi bildirilir.

Yeni müdafiə büdcəsinin pilotsuz hava vasitələri kimi çox sayda alışı maliyyələşdirməsi gözlənilir. Lakin yenin xarici valyutalar qarşısında dəyər itirməsi tədarük xərclərini artırır. Bu səbəbdən, son məbləğin 70 trilyon yenin orta və ya yuxarı səviyyələrində olması nəzərdə tutulur.

ƏLAQƏLİ

Bunu da oxu

Tramp İranla bağlı nüvə hücumu əmri verə bilər

02.11.2026 - 12:34

Yaponiya Müdafiə Nazirliyinin 2026-cı il üçün hazırladığı “Yaponiya-nın Müdafiəsi 2026” adlı illik müdafiə kitabında ölkənin “yeni bir böhran dövrünə” girdiyi açıqlanmışdı. Bu kitabda rekord səviyyədə artan hərbi xərclər ön plana çıxır. Yaponiya, müdafiə xərclərini ÜDM-in 2%-nə çatdırmağı hədəfləyir.

Sənəddə Çin ordusunun təlimləri və hərbi fəaliyyətləri strateji bir çağırış olaraq göstərilir. Bu, Doğu Çin dənizi və Qərbi Sakit okeandakı hərəkətliliklə əlaqələndirilir.