“Yanğınla bağlı məsələlər Prezident Administrasiyasında müzakirə edilir” – Açıqlama

Bakı şəhəri Nizami rayonu ərazisindəki “Diqlas” Ticarət Mərkəzindəki yanğından sonra zərəçəkən sahibkarlar həmin əraziyə toplaşıblar.

Onlar dəymiş zərərin hesablanması və ödənilməsi ilə bağlı tələblər irəli sürürlər.

Məlumata görə, Nizami rayon İcra Hakimiyyəti başçısının müavini İldırım Mehdiyev şikayətçilərin qarşısına çıxaraq deyib ki, icra hakimiyyətinin başçısı Arif Qasimov hazırda Prezident Administrasiyasında müzakirələrdədir.

Orada bu məsələlər müzakirə edilir, baxılır. Hələlik bu müzakirələr başa çatmadan konkret heç bir vəd vermək mümkün deyil. Qəbul olunan qərarlarla bağlı zərərçəkənlərə və ictimaiyyətə məlumat veriləcək. (Bizimyol)