Türkiyənin müdafiə sənayesindəki hədəfi: 20 milyard dollarlıq yeni müqavilələr

ABŞ mərkəzli Al-Monitor xəbər portalı Türkiyənin müdafiə sənayesindəki yüksəlişi diqqətə alıb. Xəbərdə, Türkiyənin Müdafiə Sənayesi Başqanı Haluk Görgünün açıqlamalarına əsaslanaraq, 2026-cı ilədək türk müdafiə şirkətlərinin 15 milyard dollarlıq yeni müqavilələr imzaladığı bildirilib.

Minval.info xəbər verir ki, analizdə Türkiyənin müdafiə sənayesinin genişlənməsi ilə Ankara’nın geosiyasi təsirinin artdığı vurğulanıb. Böyük silah müqavilələri, texnologiya transferlərinə, ortaq istehsalata və regional tərəfdaşlarla daha geniş hərbi əməkdaşlığa zəmin hazırlayır.

Xəbərdə həmçinin yerli tədarükçülərə verilən və hələ tamamlanmamış sifarişlərin ümumi məbləğinin 13,4 milyard dolları keçdiyi qeyd olunub. Al-Monitor, bu rəqəmlərin Türkiyənin müdafiə sənayesində yalnız yeni satışlarla deyil, uzunmüddətli istehsal və tədarük prosesləri ilə də böyüyən bir potensial yaratdığını vurğulayıb.

ƏLAQƏLİ

Bunu da oxu

Fransada xaos davam edir: Le Pen etirazları fürsətə çevirmək istəyir

20.10.2026 - 12:34

“Türkiyənin məqsədi müdafiə sənayesində müstəqillikdir” başlıqlı analizdə, son illərdə Türkiyənin pilotsuz uçuş aparatları, raketlər və digər hərbi sistemlərdə yerli istehsala etdiyi yatırımların bu yüksəlişin təməlini təşkil etdiyi vurğulanıb. Türkiyə, xarici tədarükçülərə olan asılılığını azaltmaq üçün müdafiə sənayesini əhəmiyyətli dərəcədə genişlətdi.

Al-Monitor, müdafiə sənayesindəki böyümənin sektorun ümumi dövriyyəsinə də təsir etdiyini qeyd edib. 2021-ci ildə 10,16 milyard dollar olan Türkiyənin müdafiə sənayesinin illik dövriyyəsinin 2024-cü ildə 20,2 milyard dollara yüksəldiyi bildirilib. Müdafiə və aviasiya ixracatının 2025-ci ildə 10 milyard dolları keçdiyi qeyd olunub.