Xalq artisti Şövkət Ələkbərova 104 il əvvəl bu gün doğulub

Bu gün Azərbaycanın məşhur Xalq artisti Şövkət Ələkbərovanın doğum günüdür. Onun dünyaya gəlişinin 104-cü ildönümüdür.

Minval.info xəbər verir ki, 1922-ci il oktyabrın 20-də Bakıda doğulan Şövkət Ələkbərova, Asəf Zeynallı adına Musiqi Məktəbində Hüseynqulu Sarabskinin sinfini bitirdikdən sonra səhnə həyatına başlamışdır.

1938-1945-ci illərdə Azərbaycan Dövlət Mahnı və Rəqs Ansamblının solisti kimi fəaliyyət göstərmiş, 1945-ci ildən Azərbaycan Dövlət Filarmoniyasında solist olmuşdur. 1937-ci ildə keçirilən bədii özfəaliyyət kollektivlərinin müsabiqəsində iştirak edərək Üzeyir Hacıbəyov və digər tanınmış sənətkarların diqqətini çəkmişdir.

ƏLAQƏLİ

Bunu da oxu

Tanınmış meyxanaçı İlkin Çərkəzoğlu vəfat etdi

20.10.2026 - 10:34

Şövkət Ələkbərova, “Qarabağ şikəstəsi”ni ifa edərkən Fatma Mehrəliyeva və Gülağa Məmmədovla birlikdə ilk üçlüyə daxil olmuşdur ki, bu da onun peşəkar musiqi sənətinə gəlişinin əsasını qoymuşdur.

O, Fransa, İsveçrə, Şri-Lanka, Əfqanıstan, Hindistan, Misir, Əlcəzair, İran, Türkiyə, Polşa və bir çox digər ölkələrdə uğurla çıxış edərək, “Segah”, “Qatar”, “Şahnaz” kimi muğamlarla milyonlarla insanın qəlbində iz buraxmışdır. Şövkət Ələkbərova 1993-cü ildə fevralın 7-də vəfat etmişdir.