Xalq artisti Tofiq Mirzəyev İsraildə dəfn olunacaq

Xalq artisti, tanınmış kino aktyoru Tofiq Mirzəyevin dəfn mərasiminin keçiriləcəyi yer məlum olub. Minval.info xəbər verir ki, bu barədə İsraildə fəaliyyət göstərən Azərbaycan Mədəniyyət Mərkəzinin direktoru Yeganə Salman məlumat verib.

Onun sözlərinə görə, sənətkar iki ay əvvəl insult keçirdikdən sonra İsrailin Beer-Şeva şəhərində yerləşən xəstəxanaya yerləşdirilmişdi. Bir müddət səhhətində yaxşılaşma müşahidə olunsa da, son günlər vəziyyəti yenidən ağırlaşıb və aktyor həmin xəstəxanada vəfat edib.

Yeganə Salman bildirib ki, Tofiq Mirzəyev sağlığında dəfələrlə Bakıda dəfn olunmaq arzusunu ifadə etsə də, onun İsrailin Arad şəhərindəki qəbiristanlıqda torpağa tapşırılması planlaşdırılır.

ƏLAQƏLİ

Bunu da oxu

Şəki Xan sarayını bu ilin 9 ayında 178 min turist ziyarət edib

20.10.2026 - 14:24

Qeyd edək ki, Tofiq Mirzəyev 1932-ci ildə Gədəbəy rayonunda anadan olub. O, 1976-cı ildə Azərbaycan SSR-in Əməkdar artisti fəxri adına layiq görülüb, daha sonra Azərbaycan Respublikası Prezidentinin fərdi təqaüdçüsü olub. Sənətkar 2022-ci il iyunun 14-də Azərbaycan Respublikasının Xalq artisti fəxri adına və “Şöhrət” ordeninə layiq görülüb.

Tofiq Mirzəyev “Nəsimi”, “Üzeyir ömrü”, “O qızı tapın”, “Onun bəlalı sevgisi”, “Uşaqlığın son gecəsi” və “İstintaq” filmlərində yaratdığı yaddaqalan obrazlarla Azərbaycan kino tarixində iz qoyub.