Xəzərdə boğulma faciəsi: 21 yaşlı tələbənin son çimmə anları və dostlarının mübarizəsi

Xəzər dənizində baş verən faciəli boğulma hadisəsi Sabunçu rayonu, Bilgəh qəsəbəsi ərazisində qeydə alınıb. Hadisə zamanı Quba rayon sakini, 21 yaşlı Niyaz Pirməmmədov dostları ilə birlikdə dənizdə çimərkən həyatını itirib.

Minval.info xəbər verir ki, Niyaz Pirməmmədovun üç dostu isə sudan çıxarılaraq xilas edilib. Hadisə ilə bağlı kənd sakinlərindən biri açıqlama verib və Niyazın yüksək bal toplayaraq ali məktəbə qəbul olunmuş savadlı və sakit bir gənc olduğunu bildirib. O, dörd dostun birlikdə dənizə girdiyini, Niyazın suda batmağa başladığını və digər üç nəfərin ona kömək etməyə çalışdığını qeyd edib. Nəticədə, hamısı təhlükə ilə üzləşib, lakin digər üç nəfəri xilas etmək mümkün olub. Hazırda onlar müxtəlif xəstəxanalarda müalicə alırlar. Təəssüf ki, Niyazı xilas etmək mümkün olmayıb.