Böyük Britaniyada Vinni-Pux evi tikilərək kirayəyə verilir.

Minval.info xəbər verir ki, “Disney” kinokompaniyası ilə “Airbnb” yaşayış sahələrinin sifarişi xidmətinin birgə layihəsi olan və Alan Milnin əsərindəki Möcüzəli meşənin prototipi hesab edilən ev Aşdaun meşəsində yaradılıb.

Eynilə orijinal əsərdə və filmdə olduğu kimi evin damı yaşıl budaqlarla örtülüdür, qırmızı giriş qapının üstündə isə “cənab Sanders” yazılı lövhə asılıb. İçəridə üç çarpayı və qızılgül əksi olan ağ divan var.

Vinni-Pux evində kirayə qiyməti hələ açıqlanmayıb, sifarişlər yalnız 20 sentyabrdan mümkün olacaq. Yalnız o məlumdur ki, ev dörd nəfərlik qruplar üçün nəzərdə tutulub.

Layihənin dizayneri britaniyalı animator Kim Reymonddur.