Vəkili döyən polislər nazir tərəfindən cəzalandırıldı

Ötən ay Bakının Binəqədi Rayon Polis İdarəsinin 4-cü polis şöbəsində gənc vəkil Orxan Kəngərlinin fiziki şiddətə məruz qalmasında adı hallandırılan polis əməkdaşları cəzalandırılıb.

Minval.info-nun məlumatına görə, bu barədə Vəkillər Kollegiyasının üzvü, tanınmış vəkil Anar Qasımlı xəbər verib.

Vəkil bildirib ki, Daxili işlər naziri Ramil Usubovun əmri hadisədə adı hallanan Binəqədi RPİ-nin 4-cü Polis Şöbəsinin rəis müavini Yalçın Yaqubov Daxili İşlər Orqanlarından xaric edilib. Təhqiqatçı Elnur Rəşidov isə tutduğu vəzifədən azad edilib.

ƏLAQƏLİ

Bunu da oxu

Məktəb mədrəsə deyil, öz qaydaları var

12.10.2026 - 17:54

Nazirin əmri ilə əməliyyatçı və sahə müvəkilinə isə töhmət və xidmətə yararsızlıq intizam məluliyyətinə cəlb etmə tətbiq edilib.

Qeyd edək ki, mayın 30-da vəkil Orxan Kəngərli Binəqədi RPİ 4-cü PŞ-də şiddətə məruz qalıb.

Vəkillər Kollegiyasının sədri Anar Bağırov məsələni izləyəcəklərini və təqsirkar şəxslərin qanunda nəzərdə tutulan ən ciddi cəzaya məruz qalması üçün bütün addımları atacaqlarını demişdi.