Uşaqlar üçün internetdə təhlükəsizlik: Yeni qaydalar nələri dəyişəcək?

Uşaqların internetdə təhlükəsizliyini təmin etmək məqsədilə yeni qaydalar tətbiq olunur. Bu qaydalar, uşaqların zərərli informasiyadan qorunmasını milli təhlükəsizliyimizin vacib bir hissəsi kimi önə çıxarır. Xüsusilə sosial media və smart cihazların uşaqların gündəlik həyatında əhəmiyyətli rol oynaması, bu məsələnin əhəmiyyətini daha da artırır.

Minval.info xəbər verir ki, sosioloq Üzeyir Şəfiyev bu mövzuda öz fikirlərini bölüşərək, sosial şəbəkələrdə yaş məhdudiyyətlərinin tətbiqini vacib hesab edir. Yeni qaydalara əsasən, 16 yaşdan kiçik uşaqların rəqəmsal platformalarda müstəqil qeydiyyatı qadağan edilir. 16-18 yaş arası yeniyetmələr isə yalnız valideyn və ya qəyyumlarının nəzarəti altında qeydiyyatdan keçə biləcəklər.