Turistlərin sevimli məkanı: Arxasından müəmmalı səslər gələn “Cəhənnəm qapısı”... - FOTOLAR
Türkmənistanın paytaxtı Aşqabad şəhərinin 290 km uzaqlığında yerləşən “Cəhənnəm qapısı” adlandırılan dərin bir çuxur var.
Turistlərin maraqla ziyarət etdiyi bu çuxur iddialara görə, 1971-ci ildə sovet dönəminin elm adamları tərəfindən aparılan araşdırmalar zamanı açılıb.
Sözügedən ərazidə təbii qaz axtaran işçilər qazma işləri zamanı səhvə yol veriblər. Nəticədə partlayış baş verib, bu çuxur əmələ gəlib. Edilən səhvin böyük partlamaya səbəb olması bir neçə insanın həyatına da son vermişdi.
ƏLAQƏLİ
Zibil qutusundan zirvəyə: Atılmış körpələrin heyrətamiz uğur hekayələri
Hadisədən sonra ətrafa zəhərli qazlar da yayılmağa başlayıb. Elm adamları bu qazların səbəb olacağı təhlükəni azaltmaq üçün çuxuru yandırmaq qərarına gəliblər.
Yanğının bir neçə gün içində sönəcəyini ehtimal edən elm adamlarının bu planı baş tutmayıb. Çuxur 1971-ci ildən bu yana durmadan hələ də yanır.
“Cəhənnəm qapısı” adı verilən bu çuxur 69 metr enində, 30 metr dərinliyindədir. Qara Qum çölündə yerləşən “Cəhənnəm qapısı”ndan çıxan alovlar gecə qaranlıqda belə, kilometrlərcə uzaqlıqdan görünür.
Qara Qum çölünün yaxınlığında yerləşən, 350 nəfər əhalisi olan Darvaza kəndinin sakinləri bu çuxur haqqında inanılmaz hekayələr danışır. “Cəhənnəm Qapısı” adlı bu çuxurun dibindən gələn səslər də ora yaxınlaşmazdan əvvəl uzaqdan eşidilir.
Dünyanın dörd bir tərəfindən buranı ziyarət etməyə gələn turistlər var. Hətta çuxurun tam yaxınlığına gedib oradan gələn səsləri dinləyib, alovları izləməyə cəsarət edən insanlar da var.
Türkmənistan hökumətinin səlahiyyətli şəxsləri bir zamanlar bu çuxuru bağlamaq qərarına gəlsələr də aparılan araşdırmalardan sonra bu fikirdən daşınıblar. Çünki çuxurun içində yığılan metan qazının üstü bağlanarsa, sıxışıb daha da böyük partlayış meydana gətirə bilər.
Mütəxəssislər çevrədəki yaşamı nəzərə alaraq, bu riski gözə ala bilmirlər. Ayrıca olaraq bu çuxur Türkmənistan turizminə də fayda verir.
Turan Oruc,
Musavat.com
ƏLAQƏLİ
Zibil qutusundan zirvəyə: Atılmış körpələrin heyrətamiz uğur hekayələri
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Zibil qutusundan zirvəyə: Atılmış körpələrin heyrətamiz uğur hekayələri
Telefonlar bizi dinləyirmi? – Mütəxəssislərdən vacib tövsiyələr
Emin Ağalarovun sevinci: “Sea breeze”də i̇lk uşaq doğuldu
Bu bürclər səhv insanlara dəfələrlə aşiq olurlar
Avropa İttifaqının Azərbaycandakı səfiri Azərbaycan dilini öyrənir
ABŞ-də ChatGPT-yə görə OpenAI məhkəməyə verildi
Alimlərdən SENSASİON KƏŞF: 4500 illik sirri açdılar
