Tiktoker "qara qartal"ın qeyri-etik videosu onu 700 manat cəriməyə gətirib çıxardı

Sosial media platformalarında qeyri-etik paylaşımlar edən bir tiktoker hüquq-mühafizə orqanları tərəfindən saxlanılıb.

Minval.info xəbər verir ki, 27 yaşlı Cavid Abbasov, öz fotosunun üzərinə nalayiq ifadələr əlavə edərək video hazırlayıb və bu videonu ‘Qara qartal’ adlı Tiktok səhifəsində yayımlayıb. Bu hərəkəti ilə ictimai mənəviyyatı təhqir edən və cəmiyyətə hörmətsizlik göstərən davranışlar sərgiləyib.

Hadisə ilə əlaqədar olaraq, Cavid Abbasov İnzibati Xətalar Məcəlləsinin 510.2-ci maddəsinə əsasən saxlanılıb və barəsində protokol tərtib olunub. O, etdiyi hərəkətdən peşman olduğunu və sərxoş vəziyyətdə paylaşımı etdiyini bildirib. Abbasov, gələcəkdə belə hallara yol verməyəcəyini və yüngül cəza ilə cəzalandırılmasını istəyib.

ƏLAQƏLİ

Bunu da oxu

Nazirlikdə yeni təyinat: Rövşən fətullayevin təcrübəsi strateji proqnozlaşdırmaya yönəldi

14.08.2026 - 17:48

Məhkəmənin qərarı ilə Cavid Abbasov 700 manat məbləğində cərimələnib.