17.11.2026 - 15:04
Qocalığı müəyyən edən pulsuz test: həkimdən sadə üsul
İqtisadiyyat 260 baxış

Qocalığı müəyyən edən pulsuz test: həkimdən sadə üsul

Gerontoloq Lesli Kenni, insanın fiziki sağlamlığını və yaşlanma prosesini qiymətləndirmək üçün ev şəraitində tətbiq olunan sadə və xərcləri olmayan bir test təklif edib.

Publika.az-ın məlumatına görə, Kenni bu testin detallarını “Daily Mail” nəşrinə açıqlayıb. Onun sözlərinə görə, test çərçivəsində yerə oturmaq və əllərdən, dizlərdən istifadə etmədən ayağa qalxmaq lazımdır. Bu hərəkət, insanın əzələ gücünü, elastikliyini, tarazlığını və yaşlandıqca müstəqil yaşamaq qabiliyyətini qiymətləndirmək üçün istifadə edilir.

Kenni, 46-75 yaş aralığında olan 4282 nəfərin iştirak etdiyi bir araşdırmanın nəticələrinə əsaslanaraq, testin necə qiymətləndirildiyini göstərib. Test maksimum 10 balla ölçülür: yerə oturma və ayağa qalxma hər biri 5 balla qiymətləndirilir. Əllərdən və ya dizlərdən istifadə edildikdə hər dəfə 1 bal, müvazinətin itirilməsi isə 0,5 bal itkisinə səbəb olur.

Lesli Kenni, 8 və daha yüksək bal toplayanların sağlam hesab olunduğunu bildirib. Daha aşağı nəticələr isə orta və yaşlı insanlarda ürək-tənəffüs sistemi xəstəlikləri ilə əlaqələndirilir. Xüsusilə, 0-4 bal toplayan şəxslərdə ürək-damar xəstəliklərindən ölüm riski, 10 bal toplayanlarla müqayisədə 6 dəfə yüksəkdir.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: