Tarixi-dini abidələr: Memarlıq və milli dəyərlər

Azərbaycan Respublikası Mədəniyyət Naziri Adil Kərimli tarixi-dini ibadət məkanlarının əhəmiyyətini iki əsas istiqamətdə dəyərləndirib. O, “Tarixi-dini abidələrin qorunması: çağırışlar və perspektivlər” mövzusunda keçirilən konfransda çıxış edərək, bu məkanların həm zəngin Azərbaycan memarlığının ifadəsi, həm də milli-mənəvi dəyərlərin yaşadılması üçün vacib olduğunu bildirib.

Minval.info xəbər verir ki, nazir Adil Kərimli bu məkanların Azərbaycanın qədim memarlıq irsinin bir hissəsi olduğunu və eyni zamanda, ölkədə mövcud olan tolerantlıq mühitinin formalaşmasına töhfə verdiyini qeyd edib. O, bu iki kontekstin bir-birindən ayrılmasının mümkün olmadığını vurğulayıb və dövlətin bu sahədə şərait yaratdığını bildirib. Eyni zamanda, bu məkanların memarlıq dəyərinin qorunmasının da Azərbaycan dövlətçiliyi və milli kimliyinin qorunması baxımından önəmli olduğunu əlavə edib.