Tanınmış taksi şirkətinin sürücüləri sərnişinləri yolda qoyur

Sərnişin taksi sifariş etdi “Bolt” taksi şirkətinin sürücüləri müxtəlif bəhanələrlə onu yolda qoydu.

Bizimyol.info xəbər verir ki, sərnişin Etibar Mirzəyev bildirir ki, o “Bolt” şirkətindən taksi sifariş etdikdən sonra sürücülər onunla əlaqə saxlayaraq şərtlər qoyurlar. Belə ki, məsafənin uzaq olmasını bəhanə gətirən sürücülər sifarişdən imtina edirlər. Sərnişin həmçinin əlavə edir ki, sürücülər kartla ödəniş olunduğunu bəhanə edərək də sifarişdən imtina edirlər.

Etibar Mirzəyev əlavə edib ki, şirkət sürücüləri bu istiqamətdə təlimatlandırmalı və onlara etibar etməlidir.

Məsələ ilə bağlı “Bolt” taksi şitkərinə rəsmi informasiya sorğusu göndərilib. Mövqelərini dərc etməyə hazırıq.