Devid Bekhem
Dünyaca məşhur keçmiş ingilis futbolçu Devid Bekhemin ən böyük qorxusu evində əşyaların yerində olmaması və səlqəsizlikdir. Həyat yoldaşı Viktoriya Bekhem verdiyi müsahibələrin birində futbolçunun evin dağınıq olmasına və zibillərin vaxtında atılmamasına olduqca həssas olduğunu bildirmişdi. Keçmiş futbolçunun digər böyük fobiyası isə cüt rəqəmlərdir.
Tom Kruz
Məşhur “Hollywood” aktyoru Tom Kruzun ən böyük qorxusu isə saç tökülməsidir. “Sonsuz sevgi”, “Riskli biznes”, “Missiyamız təhlükə” kimi filmlərdə oynadığı rollarla məşhurlaşan aktyor özü ilə bağlı verdiyi açıqlamalarda uşaq yaşlarından bəri saçsız qalacağı qorxusunu hələ də ata bilmədiyini bildirir.
Rihanna
Ada dövləti olan Barbadosda doğulan məşhur ifaçı Rihananın uşaqlıqdan bəri ən böyük qorxusunun dəniz canlıları olması olduqca maraq doğurur. Rihanna özü ilə bağlı danışarkən uşaq yaşlarında tez-tez çimərliyə getdiyini, fobiyası səbəbindən isə dənizə girə bilmədiyini demişdi.
Bred Pitt
Maraqlı qorxuları olan məşhurlardan biri də yaraşıqlı amerikalı aktyor Bred Pittdir. O, maqazin jurnallarının birinə verdiyi müsahibə zamanı ən böyük qorxusunun maşınla hərəkət edərkən geri qayıtmaq olduğunu deyib. Məşhur aktyor cavabında “Maşın sürərkən yanlışlıqla keçdiyim yola geri dönüb qayıda bilmirəm. Məsafə uzaq olsa belə başqa istiqamətlərdən həmin yola qayıtmağa çalışıram. Məncə bu psixoloji bir problemdir.” deyə qeyd etmişdi.
Conni Depp
Oynadığı filmlərdə canlandırdığı rollarla olduqca məşhur olan amerikalı aktyor Conni Depp uşaq yaşlarından bəri ən böyük qorxusu klounlardır. O verdiyi açıqlamalarda çoxlarının əyləncəyi hesab etdiyi klounlardan qorxduğunu və onlardan daim qaçdığını bildirib. Məşhur aktyorun bu qorxusu oynadığı filmlərdən birində kloun səhnəsi olduğu üçün rolundan imtina etməsi ilə nəticələnib.
Adolf Hitler
Məşhur faşist lideri Adolf Hitlerin qorxuları arasında su xüsusilə seçilir. Hitler bu qorxusuna görə həyatı üzə bilməyib. Məşhur liderin bu fobiyasını bir-çox yaxınından gizlətdiyi qeyd edilir. Bütün dünyada etdiyi qəddarlıqlarla adından söz etdirən Adolf Hitlerin bu cür qorxusunun olması olduqca təəccüblüdür.
