Spacex və nvidia kosmosda süni intellekt inqilabına imza atır: Yeni peyk dövrü başlayır

SpaceX və Nvidia, kosmosda süni intellekt mərkəzi qurmaq məqsədilə birgə əməkdaşlığa başlayıblar. Bu mərkəz, alçaq Yer orbitində süni intellekt hesablamalarını birbaşa həyata keçirəcək.

Minval.info xəbər verir ki, layihə çərçivəsində “Starmind AI1” adlı yeni bir peyk hazırlanır. Bu peyklərdə Nvidia-nın “Vera” prosessorları və “Rubin” qrafik çipləri istifadə ediləcək. Şirkət, bu platformanın əvvəlki nəsil H100 çipləri ilə müqayisədə süni intellekt emalında 25 dəfə daha yüksək performans göstərəcəyini bildirir.

SpaceX, uzunmüddətli perspektivdə bir milyon peykdən ibarət bir şəbəkə qurmağı planlaşdırır. Bu sistem, kosmosda paylanmış süni intellekt superkompüteri kimi fəaliyyət göstərəcək. Peyklərin günəş enerjisindən fasiləsiz istifadə etməsi, onları Yer üzündəki elektrik şəbəkəsindən asılı olmadan fəaliyyət göstərməyə imkan verəcək. Bundan əlavə, sistemin gələcəkdə yenilənməsi üçün peyklərdəki prosessorlar daha yeni çiplərlə əvəz edilə biləcək.

ƏLAQƏLİ

Bunu da oxu

Meyvə-tərəvəz bolluğu qiymətləri niyə ucuzlaşdırmır? – Ekspertlərdən maraqlı açıqlamalar

05.08.2026 - 18:47

Layihənin ilk prototip sınaqlarının 2027-ci ilin əvvəlində başlaması planlaşdırılır. İnkişaf prosesinin plana uyğun getməsi halında, həmin il seriya istehsalına keçilməsi nəzərdə tutulur. Lakin, layihə ilə bağlı bütün tənzimləyici prosedurlar hələ tamamlanmayıb.