Şirvanda toyda kriminal mahnıya görə həbs olay!

Şirvanda keçirilən toy məclisində gözlənilməz hadisə baş verib. “Aytac” şadlıq sarayında təşkil olunan məclisdə kriminal məzmunlu musiqinin səsləndirilməsi hüquq-mühafizə orqanlarının müdaxiləsinə səbəb olub.

Minval.info xəbər verir ki, polis əməkdaşları küçədən keçərkən yüksək səslə səsləndirilən musiqini eşidiblər və dərhal şadlıq sarayına daxil olaraq, musiqinin dayandırılmasını tələb ediblər. Lakin qısa müddət sonra həmin musiqi yenidən səsləndirilib.

Bununla yanaşı, bəyin 48 yaşlı atası polisin qanuni tələbinə tabe olmayıb. Nəticədə o, saxlanılaraq polis şöbəsinə aparılıb və barəsində müvafiq inzibati protokollar tərtib olunub. Məhkəmənin qərarı ilə bəyin atası 15 gün müddətinə inzibati qaydada həbs edilib.