Çjan İminq Asiyanın ən varlı şəxsi oldu

TikTok-un əsas şirkəti olan ByteDance-in qurucusu Çjan İminq, sərvətini 12 milyard dollar artıraraq Asiyanın ən varlı şəxsi ünvanını qazandı. Onun sərvəti 105,5 milyard dollara çatıb və bu, hindistanlı iş adamı Qautam Adanini geridə qoymağa imkan verib.

Minval.info xəbər verir ki, ByteDance şirkətinin təxminən 21 faizinə sahib olan Çjan İminqin sərvəti, “BlackRock” və “Fidelity” şirkətlərinin yeni qiymətləndirmələri nəticəsində bu ay 12 milyard dollar artıb. 2019-cu ildə 13 milyard dollar sərvəti olan sahibkar, son 7 ildə sərvətini təxminən 8 dəfə artırıb.

ByteDance, TikTok və Douyin platformalarından əldə etdiyi məlumatlarla süni intellekt modellərini inkişaf etdirməkdədir. ABŞ-la yaşanan problemlərə və tənzimləyici maneələrə baxmayaraq, şirkət bu sahəyə yatırımlarını davam etdirir.