Şəkidə ziplayn faciəsi: Mərkəzdən ilk açıqlama

Şəkidə baş verən və iki gəncin həyatını itirməsi ilə nəticələnən ziplayn qəzası ilə bağlı ‘Şəki yaylası’ istirahət mərkəzi açıqlama yayıb. Mərkəz, hadisə ilə bağlı səslənən qırılma iddialarına cavab olaraq, öz ‘Instagram’ səhifəsində video paylaşaraq, ziplayn xətlərində hər hansı bir qırılmanın olmadığını bildirib.

Minval.info xəbər verir ki, mərkəzin nümayəndəsi videoda ziplayn xətlərinin böyük hündürlükdən keçdiyini və bu səbəbdən sərt külək və burulğanların yarandığını qeyd edib. Dalğalanmalar nəticəsində xətlərin böyük yük altında olmasına baxmayaraq yatağından çıxdığını, lakin sağlam formada dəmir hissəciklərə və beton maneələrə bağlandığını vurğulayıb. Ziplaynın özünü kilidləmə mexanizminin olduğunu və yalnız 90 dərəcə dəyişəndən sonra açıldığını əlavə edib. Bu hadisənin necə baş verdiyinin onlar üçün də qaranlıq olduğunu və ekstrim idman növü olduğu üçün belə bir acı təcrübə ilə ilk dəfə qarşılaşdıqlarını bildirib.

Mərkəz rəsmisi həmçinin ziplaynın gəliş və gediş xətlərinin eyni qülləyə bərkidildiyini də qeyd edib.