Sabirabad sakini yıxılıb öldü

Sabirabad rayonunda yerli sakin restoranda yıxılaraq ölüb.

“Report”un Mil-Muğan bürosunun verdiyi məlumata görə, hadisə “Ana Kür” restoranında baş verib.

Belə ki, rayonun Surra kənd sakini, 1965-ci il təvəllüdlü Usubəli Heydərəli oğlu Cəfərovun başına restoranda dəmir parçası düşüb və o, yıxılaraq ölüb.

Məlumata görə, U.Cəfərov həmin restoranda elektrik-çilingər işləyib.

Faktla bağlı araşdırmalara başlanılıb.