Şəkidə faciə: “rolik” iki can aldı

Şəkidə faciə: "rolik" iki can aldı

Şəkidə baş verən faciəvi hadisə nəticəsində həyatını itirən Coşqun Məmmədzadənin dayısı İftixar Saadov hadisənin təfərrüatlarını açıqlayıb. O, hadisə barədə ilk məlumatı aldığını bildirib.

Minval.info xəbər verir ki, İftixar Saadov hadisə yerinə çatdıqda əvvəlcə Coşqunun üzünü saqqallı bir şəxslə qarışdırdığını, lakin daha sonra digər meyitin 200 metr aralıda olduğunu öyrəndiyini deyib. O, meyiti tapdıqda Coşqunun sevdiyi qızın da yanında olduğunu qeyd edib.

Hadisənin necə baş verdiyini soruşduqda, ona trosun silkələndiyini və “rolik”in yerindən çıxdığını bildiriblər. İftixar Saadov, “rolik”in 240 kilo çəkiyə davamlı olduğunu dediklərini, lakin hər iki şəxsin çəkisinin birlikdə 240 kilo olduğunu vurğulayıb. O, hər iki şəxsin eyni anda xəttə olduğunu və birinin gedib çatmalı, sonra digərinin çıxmalı olduğunu bildirib.