Qara dənizdə dron hücumu: Azərbaycanlılar hədəf alındı

Qara dənizdə baş verən dron hücumu nəticəsində yaralanan azərbaycanlı dənizçi Rauf Əliyevin ailəsi hadisə ilə bağlı açıqlama verib. 1985-ci ildə Neftçalanın Bankə qəsəbəsində doğulan Rauf Əliyev uzun illərdir dənizçilik sahəsində çalışır. Ailəsi onun tez-tez səfərlərdə olduğunu bilsə də, bu dəfəki xəbər onları dərindən sarsıdıb.

Minval.info xəbər verir ki, Rauf Əliyevin olduğu gəmi dron hücumuna məruz qalaraq zədələnib. Gəmi Konstansa limanına doğru hərəkət edərkən gecə saatlarında daha iki dəfə hücuma məruz qalıb. Bu hücumlar nəticəsində iki azərbaycanlı dənizçi həyatını itirib, Rauf Əliyev və İmran Novruzov isə yaralanıblar.

Rauf Əliyevin yaxınları onun dənizçilik fəaliyyətinə Neftçala şəhərindən başladığını və sonradan Türkiyədə işlədiyini bildiriblər. Ailəsi onun hər üç-beş aydan bir işə gedib gəldiyini qeyd edib. Rauf Əliyev ailəlidir və iki azyaşlı övladı var.