Elşad Xose psixiatriya iddialarını təkzib etdi

Tanınmış repçi Elşad Xosenin səhhətinin ağırlaşdığı və onun Maştağada yerləşən Respublika Psixiatriya Xəstəxanasına yerləşdirildiyi barədə bir neçə ay əvvəl yayılan iddialar geniş müzakirələrə səbəb olmuşdu. Respublika Psixiatriya Xəstəxanası bu iddiaları təkzib etsə də, Səhiyyə Nazirliyi qanunvericiliyin tələblərinə əsaslanaraq, Elşad Xose ilə bağlı məlumatı nə təsdiq, nə də təkzib etmişdi.

Minval.info xəbər verir ki, tanınmış reper Elşad Xose bu iddialardan sonra ilk dəfə ictimaiyyət qarşısına çıxıb. O, Bakıda şadlıq saraylarından birində keçirilən toy məclisində çıxış edəcəyini bildirib və hər şeyin qaydasında olduğunu qeyd edib.