“Sabah” “Monako”nun sabiq futbolçusunu heyətinə qatıb

2019/20 mövsümü üçün transfer çalışmalarını davam etdirən Bakının “Sabah” klubu heyətini yeni futbolçu ilə gücləndirib.

Paytaxt təmsilçisi Qvineya əsilli fransalı futbolçu Amadu Diallo ilə anlaşıb.

25 yaşlı hücumçu ilə 2 illik müqavilə bağlanıb. A.Diallo karyerası ərzində “Monako B” (Fransa), “Namur” (Belçika), “Vayt Star” (Belçika), “Serkl Brügge” (Belçika) klublarının uğurları üçün çalışıb. O, son mövsümdə Fransanın “Red Star” klubunda çıxış edib. A.Diallo Qvineyanın U-23 yığmasının sabiq futbolçusudur.