"Şəhid ana-atalarına öz dərin kədərimi və hörmətimi bildirirəm"

Birinci vitse-prezident Mehriban Əliyeva ötən gün Tovuz istiqamətində gedən döyüş haqda paylaşım edib.

Minval.info xəbər verir ki, Mehriban Əliyeva rəsmi sosial şəbəkə hesabında paylaşdığı fotoya şərh olaraq bu sözləri əlavə edib:

“Azərbaycan xalqı işğalla heç vaxt barışmayacaq! Bizim torpağımız, Vətən uğrunda mübarizəmiz müqəddəsdir! Bizim işimiz haqq işidir və Allah bizimlədir! Düşmənə layiqli cavab verildi və bu, hər zaman belə olacaqdır! Biz daha da güclü olmalıyıq və olacağıq, daha sıx birləşəcəyik! Şəhid analarına və atalarına öz dərin kədərimi və hörmətimi bildirirəm. Bu çətin günlərdə Azərbaycan xalqı sizinlədir. Allah bütün şəhidlərimizə rəhmət eləsin! Yaralı əsgərlərimizə tezliklə şəfa versin! Allah Azərbaycanı və xalqımızı qorusun!”.