Rüşvətə məcbur edilənlərin hüquqları: Özünüzü necə müdafiə etməli?
Bir çox vətəndaşlar dövlət və ya digər qurumlarda işlərinin həlli üçün qanunsuz olaraq pul tələb edildiyini bildirirlər. Bu hallarda, pulu alan şəxslər bəzən vətəndaşları şikayət etməkdən çəkindirmək üçün “şikayət etsən, rüşvət verdiyinə görə səni də məsuliyyətə cəlb edəcəklər” kimi iddialar irəli sürürlər.
Minval.info xəbər verir ki, hüquqşünas Babək Umudov bu iddiaların hüquqi əsası olmadığını və vətəndaşları çəkindirmək məqsədi daşıyan manipulyasiya olduğunu bildirib. O, qeyd edib ki, Azərbaycan Respublikasının cinayət qanunvericiliyi rüşvət verməyə məcbur edilən və ya bu barədə könüllü məlumat verən şəxsləri cinayət məsuliyyətindən azad edən konkret mexanizmlər nəzərdə tutur.
Azərbaycan Respublikası Cinayət Məcəlləsinin 312-ci maddəsinə əsasən, rüşvət verən şəxs iki halda cinayət məsuliyyətindən azad edilir: əgər şəxsə rüşvət vermə tələbi hədə-qorxu ilə məcbur edilibsə və ya rüşvət verən şəxs cinayət törədildikdən sonra bu barədə müvafiq dövlət orqanına könüllü məlumat veribsə. Bu vəziyyətlərdə vətəndaş hüquq-mühafizə orqanlarına müraciət etdikdə məsuliyyətə cəlb olunmur, əksinə, zərərçəkmiş şəxs kimi tanınır.
Hüquqşünas əlavə edib ki, vətəndaşlar rüşvət tələbi ilə bağlı Baş Prokuror yanında Korrupsiyaya qarşı Mübarizə Baş İdarəsinə, Daxili İşlər Nazirliyinə və ya şikayət etdiyi qurumun yuxarı orqanına müraciət edə bilərlər. Korrupsiya hüquqpozmaları barədə məlumat verən şəxslərin konfidensiallığı qorunur və onlara qarşı hər hansı təzyiq, qisas və ya təqib yolverilməzdir. Zərurət yarandıqda, hüquq-mühafizə orqanları şikayətçi şəxsin təhlükəsizliyini təmin etmək üçün xüsusi müdafiə tədbirləri görə bilərlər.
Əgər vətəndaş təzyiq altında pulu artıq ödəyibsə, cinayət işi çərçivəsində həmin vəsaitin ona qaytarılması tələb oluna bilər. Qanunsuz tələbə görə vətəndaşın dayandırılmış və ya imtina edilmiş hüququ yenidən bərpa olunmalıdır. Bu kimi hallarla qarşılaşan vətəndaşlara tövsiyə olunur ki, tələb olunan məbləğ və danışıqlar barədə qeydləri mühafizə etsinlər və mümkün olduqda, pulu təhvil vermədən öncə birbaşa müvafiq qurumlara müraciət etsinlər.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Cəlilabadda rüşvət qalmaqalının yeni detalları üzə çıxdı
Epşteynin ölümü ilə bağlı yeni iddia: intihar etməyib
Keçmiş həyat yoldaşını 25 min dollara öldürtmək istədi
İrandan Azərbaycana narkotik keçirmək cəhdi uğursuz oldu
Prokuror generalın qızının həbsini tələb edir
Bakıda qadın mağazada qızıl oğurluğu etdi
Gədəbəydə 17 yaşlı qızı qaçıran qardaşlara hökm oxundu