Rusiyanın hərbi resursları 2028-ci ilə qədər yetərlidir

Ukrayna Baş Kəşfiyyat İdarəsinin rəhbəri Oleq İvaşenko, Rusiyanın Ukrayna ilə müharibə aparmaq üçün hərbi resurslarının yalnız 2028-ci ilə qədər kifayət edəcəyini açıqlayıb. O, Ukraynanın tərəfdaşları ilə birgə fəaliyyətini gücləndirməsinin vacibliyini vurğulayıb.

Minval.info xəbər verir ki, siyasi şərhçi Mehman Əliyev Rusiyanın iqtisadi vəziyyətinin 2025-ci ildən etibarən pisləşməyə doğru getdiyini və bu səbəbdən müharibəni davam etdirməyin çətin olacağını proqnozlaşdırır. Lakin o, Moskvanın hərbi imkanlarının tükənəcəyini düşünmür.

Mehman Əliyev bildirib ki, Rusiyanın hərbi sənayesi son illərdə aktiv fəaliyyət göstərib və bu sahədə böyük irəliləyişlər əldə olunub. O, Rusiyanın xammal baxımından da problem yaşamadığını qeyd edib və 2028-ci ildə resurs problemi ilə üzləşməyəcəyini düşünür.