Rusiyanın görmədiyiniz tərəfini göstərən 14 foto

Rusiya təkcə Moskva və Sankt-Peterburqdan ibarət deyil. Ölkəsinin ən yaxşı portret cizgilərini həm də fotoqraf Saşa Qrom yaradır.

O, meqapolislərdən uzaq şəhərlərdə, qəsəbələrdə, kəndlərdə çox yaxşı fotolar çəkir. Bizimyol.info Qromun fotolarından bəzisini sizə təqdim edir.

Saşa Rusiyanın az qala hər bölgəsində olub. Fotoqraf deyir ki, onun obyektivinə uyğun yaşayış məskənləri çoxdur.

Amma Qrom daha çox Tatarıstanı xoşlayır. Fotolarından xeylisi bu respublikanın paytaxtı Kazanda çəkilib.

Kiçik ərzaq mağazaları, ağacdan evlər, həyətdə oynayan uşaqlar, skameykada əyləşən yaşlı qadınlar, dükanlar – bunların hamısı rusiyalı fotoqrafın sevimli mənzərələridir.

Sanki illər ərzində heç nə dəyişməyib: “Mən yerləri eybəcər şəkildə göstərmək istəmirəm. Çalışıram ki, onları xoş qiyafədə təqdim eləyim”.

Qrom mümkün qədər Rusiyanın gerçək üzünü göstərməyə çalışır.

Yəqin şəkillərə baxanda əşyalarınızı yığıb bu kiçik şəhərlərə, qəsəbələrə getmək istəyəcəksiniz.

Bəzi mənzərələr kədərli görünsə də, həm də gerçək romantika qoxuyur.

Satıcısı pişik olan mağaza.

Burada da alıcıları əvvəlcə pişiklər qarşılayır.

Görünür, alıcı öz ölçüsünə uyğun paltar tapa bilmir.

Rusiyanın qəsəbələrində tez-tez rastlaşacağınız tipik mənzərə.

Fotoqrafa yönəlmiş baxışlara diqqət!

24 saat işləmək yoxsa yatmaq?