Rəşad və Rüfət yenidən məhkəməlik oldu - Həbs tələbi

“Space” televiziyasının efirində işlətdiyi ifadələrə görə müğənni Rüfət Axundov və Rəşad İlyasova qarşı xüsusi ittiham qaydasında yenidən məhkəməyə müraciət edilib.

Oxu.Az xəbər verir ki, xüsusi ittihamçı Rahim Sadıqlı Yasamal Rayon Məhkəməsinin çıxardığı qərardan narazı qalıb və apellyasiya şikayəti verib.

Bakı Apellyasiya Məhkəməsinə müraciət edən R.Sadıqlı hər iki müğənninin həbs edilməsini istəyir.

ƏLAQƏLİ

Bunu da oxu

Bakıda turistin taksi sifarişi: Lamborghini gəldi

05.09.2026 - 13:27

Şikayət hakim Mirzəli Abbasovun icraatına verilib. Məhkəmənin ilkin hazırlıq iclası iyunun 25-nə təyin edilib.

Qeyd edək ki, bu il aprelin 5-də “Space” TV-nin “Hər səhər” verilişində müğənni R.Axundovla R.İlyasov qonaq olub. Milli Tеlеviziya və Radiо Şurasının (MTRŞ) yaydığı məlumata əsasən, R.Axundov mahnı oxuyarkən dəfələrlə qeyri-etik ifadələrdən istifadə edib.

Kanalın efirində getmiş ədəbsiz söz və ifadələr Şura tərəfindən aparılan monitorinqlər zamanı aşkar olunub. MTRŞ tərəfindən televiziya və radio rəhbərlərinə şifahi xəbərdarlıq edilərək bildirilib ki, R.Axundovun efirə çıxmasına məhdudiyyət qoyulub. Yasamal Rayon Məhkəməsi isə “Space” televiziyasını altı min manat məbləğində cərimələyib.

ƏLAQƏLİ

Bunu da oxu

Azərbaycanın tanınmış kinooperatoru Amin Novruzov vəfat etdi

05.09.2026 - 13:20

Daha sonra vətəndaş Rahim Sadıqlı Yasamal Rayon Məhkəməsinə müraciət edərək, hər iki müğənninin Cinayət Məcəlləsinin 148-ci (təhqir, yəni kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində şəxsiyyətin şərəf və ləyaqətini nalayiq formada qəsdən alçaltma) maddəsinin sanksiyası çərçivəsində cəzalanmasını tələb edib.

Yasamal Rayon Məhkəməsinin qərarına əsasən, hər iki müğənniyə qarşı xüsusi ittiham qaydasında verilmiş şikayət əsassız hesab edilib və məhkəmə icraatına qəbul olunmayıb.