"Qurban Qurbanov çox ləyaqətli hərəkət edib" - Dövlət başçısı

Prezident İlham Əliyev “Qarabağ” – “Marsel” oyununda qeydə alınmış “fair play” hadisəsi ilə bağlı danışıb.

“Minval.info” xəbər verir ki, Dövlət başçısı “Qarabağ” futbol klubunun məşqçisi Qurban Qurbanovun ləyaqətli hərəkəti etdiyini deyib:

“Bizim məşhur məşqçimiz Qurban Qurbanov çox ləyaqətli hərəkət etmişdir və qol sayıla biləcək vəziyyətdə demişdir ki, yox, bu, bizə lazım deyil, bizə saxta nailiyyət lazım deyil, qazanılmamış uğur lazım deyil. Nəyi qazanmışıqsa, öz əməyimizlə qazanmışıq. O cümlədən Qarabağ məsələsini də öz əməyimizlə, gücümüzlə, zəkamızla həll etmişik. İdman yarışlarında, yəni, feyr-pley anlayışı unudulmamalıdır və Azərbaycan idmançıları bu prinsiplərə həmişə əməl etməlidirlər. Çünki bu, qələbədən də vacibdir”.