Quba-Tüləkəran yolunda torpaq sürüşməsi: Təhlükə hələ də sovuşmayıb
Quba rayonunda altı kəndi birləşdirən Quba-Tüləkəran avtomobil yolunun 4-cü kilometrliyində baş verən torpaq sürüşməsi hələ də tam həllini tapmayıb. İyunun 16-da baş verən hadisə nəticəsində yolun asfalt örtüyü zədələnib və kəndlər arasında nəqliyyat əlaqəsi çətinləşib.
Minval.info xəbər verir ki, sürüşmə zonasından kənarda, təxminən 3 kilometr uzunluğunda müvəqqəti alternativ yol salınıb. Lakin bu yol da sürücülər üçün ciddi problemlər yaradır. Sürücülər yolun avtomobillərə ziyan vurduğunu və bəzi hallarda nəqliyyat vasitələrinin çay yatağında qaldığını bildirirlər.
Yolun bir hissəsinin təxminən 10 metr çökdüyünü deyən sakinlərdən Bünyad Həsənov, sürüşmənin davam etdiyini və yolun təmir edilmədiyi təqdirdə vəziyyətin daha da pisləşəcəyini vurğulayıb.
ƏLAQƏLİ
Bakıkart" sistemində böyük yeniliklər: Digər şəhərlər də öz kartlarına qovuşacaq
Azərbaycan Avtomobil Yolları Dövlət Agentliyi, Quba-Tüləkəran yolunda baş verən torpaq sürüşməsi nəticəsində yaranan çökməni təsdiqləyib. Hərəkətin fasiləsizliyini təmin etmək üçün müvəqqəti yol istifadəyə verilib. Əsas yolun bərpası üçün əraziyə baxış keçirilib və müvafiq təkliflər hazırlanaraq təqdim olunub. Layihə sənədlərinin hazırlanması işləri davam edir və təsdiqləndikdən sonra bərpa işlərinə başlanılacaq.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Böyükşor gölündə yaşıl dalğa: Təbiətin sirli rəng dəyişimi nəyi göstərir?
Qubada güclü zəlzələ: Sakinlər təhlükəsizlik tədbirləri görməyə çağırılır
Alıuşağı kəndində "qarayara" təhlükəsi: Xüsusi nəzarət postu quruldu
Qubada zəlzələ: Şimal bölgəsində yeraltı təkanlar narahatlıq yaratdı
Axundun diqqətsizliyi: Bakıda məscid rəhbərinə 1500 manat cərimə kəsildi
