Qəbələdə avtomobil qəzası: 65 yaşlı kişi öldü

Qəbələ rayonunda baş verən avtomobil qəzası nəticəsində ağır xəsarət alan şəxs xəstəxanada dünyasını dəyişib. Hadisə sentyabrın 11-də Qəbələ rayonunun Zarağan kəndində baş verib. Şakir Eyvazovun idarə etdiyi VAZ-2107 markalı avtomobil, yolu keçən Aydınqışlaq kənd sakini, 65 yaşlı Heydər İsrafilovu vurub. Minval.info xəbər verir ki, xəstəxanaya yerləşdirilən H. İsrafilov dünən orada vəfat edib. Faktla bağlı araşdırma aparılır.