"Qarabağ" braziliyalı qapıçı transfer etdi - FOTO

“Qarabağ” klubu daha bir qapıçı transfer edib.

Minval.info xəbər verir ki, bu, braziliyalı Vaqner da Silvadı. 32 yaşlı qolkiper müqavilə üzrə Belçika “Muskron”una məxsus olsa da, 2017-ci ilin yanvarından icarə əsasında Portuqaliya “Boavişta”sında çıxış edib. O, Azərbaycan millisinin qapıçısı, hazırda “Keşlə”də çıxış edən Kamran Ağayev və sonradan “Neftçi”yə keçən yarımmüdafiəçi Emin Mahmudovla komanda yoldaşı olub.

Qeyd edək ki, “Qarabağ” daha əvvəl qapıçı mövqeyinə Danimarka “Randers”indən İslandiya millisinin üzvü Hannes Tur Halldorssonu transfer edib.

Minval.info