Qənirə Paşayeva seçkiyə qatılacağını açıqladı

105 saylı Tovuz seçki dairəsinin deputatı Qənirə Paşayeva növbəti seçkilərə də həmin dairədən qatılacağını bəyan edib.

Minval.info xəbər verir ki, xanım millət vəkili bu barədə özünün “facebook” hesabında məlumat yayıb.

Q.Paşayevanın həmin statusunu təqdim edirik: “Milli Məclisdə şərəflə və qürurla təmsil etdiyim 105 saylı Tovuz seçki dairəsindən yenidən deputatlığa namizədliyimi irəli sürməyə qərar verdim. İnanıram ki, seçicilərimin təkrar etimadını qazanacaq və növbəti 5 ildə də onları ləyaqətlə təmsil edəcəm. Bütün bu illər ərzində onların etimadını itirməmək üçün, onları layiq olduqları kimi təmsil etməyə çalışdım və onların hər birini çox sevirəm”.