Peyvənd vurdurmaq istəyən jurnalistlərin nəzərinə!

Mətbuat Şurasının COVID-19 xəstəliyi əleyhinə vaksinasiyanın aparılması ilə bağlı Nazirlər Kabinetinə ünvanladığı müraciət aidiyyatı üzrə İcbari Tibbi Sığorta üzrə Dövlət Agentliyində baxılıb. Bununla bağlı agentlikdən Şuraya daxil olan məktubda bildirilir ki, jurnalistlərin vaksinasiya olunması ilə əlaqədar müvafiq tapşırıq verilib.

Bu barədə Mətbuat Şurasından məlumat verilib. Bildirilib ki, məktubda vaksinasiya olunacaq jurnalistlərin siyahısının “Tibbi Ərazi Bölmələrini İdarəetmə Birliyi” publik hüquqi şəxsə (TƏBİB) təqdim edilməsinin vacibliyi vurğulanıb.
Mətbuat Şurası bununla əlaqədar olaraq KİV redaksiyalarından yaşı 18-dən yuxarı olan və vaksinasiyadan keçməyən əməkdaşlarının siyahısını Şuraya ünvanlamağı xahiş edir. Siyahı redaksiyanın rəsmi blankında olmalı və möhürlə təsdiqlənməlidir. Orada vaksinasiya olunacaq jurnalistlərlə bağlı aşağıdakılar yer almalıdır:

1. Adı, soyadı, atasının adı;

ƏLAQƏLİ

Bunu da oxu

Mətbuat Şurası Türkiyə mediasını məlumatları yoxlamağa çağırıb

19.10.2026 - 17:44

2. Doğum tarixi;

3. Şəxsiyyət vəsiqəsinin rekvizitləri (seriya və nömrə və ya fin kod);

4. Əlaqə vasitələri (şəhər telefonu və mobil telefon).

ƏLAQƏLİ

Bunu da oxu

İranın çirkin hicab oyunu: "Sahar Azəri" ifşa olundu

12.10.2026 - 14:14

Siyahı şəxsən də, Mətbuat Şurasının [email protected] və [email protected] elektron poçt ünvanlarına da (PDF faylda skan olunmuş formada) göndərilə bilər.

Mətbuat Şurasından əlaqələndirici şəxs Əvəz Rüstəmov: (012) 441 35 30; (050) 206 96 02

Qeyd edək ki, Azərbaycan Mətbuat Şurası KİV redaksiyaları tərəfindən daxil olmuş siyahıları ümumiləşdirib TƏBİB-ə təqdim edəcək. Bundan sonrakı prosedur da diqqətdə saxlanılacaq.

ƏLAQƏLİ

Bunu da oxu

“Kim Milyoner Olmak İster” yarışmasında aparıcı dəyişikliyi

12.10.2026 - 12:34

Mətbuat Şurası KİV rəhbərlərinə müraciət edərək onları əməkdaşlarının vaksinasiya olunması prosesinə həssas yanaşmağa, bununla bağlı nəzərdə tutulan proseduru mümkün qədər tez bir zamanda icra etməyə çağırır.