“Ordumuzun döyüş qabiliyyəti daha da yüksəlib” - Zakir Həsənov

“Azərbaycan Ordusu istənilən döyüş tapşırığını yerinə yetirməyə hazırdır”

Azvision.az xəbər verir ki, bunu müdafiə naziri, general-polkovnik Zakir Həsənov Azərbaycan Ordusu gənclərinin ümumrespublika toplantısında deyib.

ƏLAQƏLİ

Bunu da oxu

Hərbçilərin mənzil təminatına 35 milyon manat ayrılacaq

11.11.2022 - 13:45

Ordumuzun döyüş qabiliyyətindən, istənilən döyüş tapşırığını yerinə yetirməyə qadir olmasından söz açan müdafiə naziri bildirib ki, Azərbaycan Ordusunun potensialının artırılmasının əsasında dövlətimizin və onun rəhbərliyinin göstərdiyi diqqət və qayğı dayanır.

“Hərbi büdcəmiz ildən-ilə artır, hərbi qulluqçuların sosial-məişət şəraitinin yaxşılaşdırılması istiqamətində müvafiq tədbirlər həyata keçirilir”.

Müdafiə naziri bildirib ki, ölkəmizin son illərdə dinamik iqtisadi inkişafı və nəticə etibarilə ordumuzun güclənməsi ölkə başçısının fəaliyyətinin nəticəsidir. Azərbaycan Prezidenti, Ali Baş Komandan İlham Əliyevin xüsusi diqqət və qayğısı sayəsində son illərdə ordumuzun döyüş qabiliyyəti daha da yüksəlib, maddi-texniki bazası əhəmiyyətli dərəcədə möhkəmləndirilib, hərbçilərin sosial vəziyyətinin yaxşılaşdırılması istiqamətində mühüm addımlar atılıb.

ƏLAQƏLİ

Bunu da oxu

Ordumuzun mövqeləri atəşə tutuldu

04.11.2022 - 10:11

“Azərbaycan Ordusunun hazırkı vəziyyətinə gəlincə, o tam döyüş qabiliyyətlidir. İstənilən döyüş tapşırığını yerinə yetirməyə hazırdır. Orduda aparılan islahatlar onun əməliyyat, döyüş və mənəvi-psixoloji hazırlığının yüksəlməsinə yeni şərait yaradıb. Ən əsası odur ki, ordunun döyüş qabiliyyətini təyin edən mütəxəssislərin 70 faizi gənclərdir”, – deyə Zakir Həsənov vurğulayıb.