Birliyin gücü - 2026 hərbi təlimində müşahidəçi günü keçirilib

Xocavənd rayonunda yerləşən Qızılqaya təlim mərkəzində “Birliyin gücü – 2026” adlı birgə hərbi təlimin “Yüksək Səviyyəli Müşahidəçi Günü” baş tutub. Tədbir oktyabrın 1-də keçirilib və burada bir çox yerli və xarici qonaqlar iştirak ediblər.

Minval.info xəbər verir ki, Müdafiə Nazirliyindən verilən məlumata görə, tədbirdə Azərbaycan Respublikasının müdafiə naziri general-polkovnik Zakir Həsənov və nazirliyin digər rəhbər heyəti ilə yanaşı, iştirakçı və müşahidəçi ölkələrin müdafiə nazirləri, baş qərargah rəisləri və digər yüksək səviyyəli qonaqlar iştirak ediblər.

Qonaqlar, təlim çərçivəsində təşkil olunan sərgidə Azərbaycan Ordusunun yeni silah və texnika arsenalı ilə tanış olublar. Burada insansız sistemlər, aviasiya vasitələri və digər xüsusi hərbi avadanlıqlar nümayiş olunub.

ƏLAQƏLİ

Bunu da oxu

Azərbaycan və Çin minatəmizləmə sahəsində əməkdaşlıq müzakirə edir

01.10.2026 - 19:12

Daha sonra qonaqlar, təlimin növbəti mərhələləri və praktiki fəaliyyətləri izləmə imkanı əldə ediblər. Təlimin məqsədi iştirakçı ölkələr arasında hərbi əməkdaşlığın gücləndirilməsi və təcrübə mübadiləsinin təmin edilməsidir.