Ölkədə dəhşətli qəza: Nazirlik əməkdaşı və həyat yoldaşı ilə birlikdə 6 nəfər öldü

Ağsu rayonunun Muradlı kəndi ərazisində “VAZ-2106” və “VAZ-2107” markalı avtomobillər toqquşub. Hadisə nəticəsində 6 nəfər dünyasını dəyişib, 1 nəfər isə xəsarət alıb.

Ölənlərdən ikisinin adları müəyyənləşib.

Minval.İnfo-nun Trend-ə istinadən verdiyi məlumata görə, həlak olanlardan biri Əmək və Əhalinin Sosial Müdafiəsi Nazirliyinin Sosial Müdafiə Mərkəzinin Ağsu rayon şöbəsinin əməkdaşıdır.

O, Ağsu rayon sakini, 1962-ci il təvəllüdlü İsmiyev Temirşah Sirac oğludur. Hadisə nəticəsində həlak olan digər şəxs T.İsmiyevin həyat yoldaşı, 1961-ci il təvəllüdlü İsmiyeva Mehparə Yarməmməd qızıdır.

Hadisə nəticəsində həlak olan digər 4 nəfər isə Siyəzən rayon sakinləridir və hələlik onların şəxsiyyətini müəyyən etmək mümkün olmayıb.

Minval.İnfo