“Öldürməkdən həzz alıram” deyən qadın polkovnik məhv edildi

Qondarma “dxr”-in qadın polkovnik-leytenantı, “Korsa” ləqəbli Olqa Kaçuranın öldürülməsi ilə bağlı bir sıra detallar məlum olub.

Musavat.com lent.az-a istinadən xəbər verir ki, rus komandirlərlə görüşdən gələn Kaçuranın avtomobili Verxnetoretski yaxınlığında tank əleyhinə raketdən açılan atəş nəticəsində məhv edilib.

Ukrayna Silahlı Qüvvələrinin keçirdiyi uğurlu hərbi əməliyyat nəticəsində Rusiya ordusunun 6 komandirinin və daha 5 hərbçisinin də öldürüldüyü bildirilir.

ƏLAQƏLİ

Bunu da oxu

Sepah Hörmüzdə ABŞ pilotsuz gəmisini vurdu

11.09.2026 - 08:44

Məlumatda qeyd olunur ki, Kaçura əslən Ukraynadan olsa da, Rusiyanın dəstəklədiyi separatçılar tərəfdən döyüşüb. Ukrayna kəşfiyyatının məlumatına görə, Kaçura 2014-cü ildən qondarma “dnr”-in ordu sıralarına qoşulub və həmin vaxt onlarla dinc sakini qətlə yetirib.

Qəzet yazır ki, 52 yaşlı polkovnik-leytenant tez-tez Rusiyanın televiziya kanallarında ukraynalıları öldürməkdən necə həzz aldığıyla bağlı çıxışlar edirmiş.

Həmçinin qeyd olunur ki, Kaçura Putinin müharibədə öldürülən ilk qadın zabitidir.

ƏLAQƏLİ

Bunu da oxu

Kanada və Ukrayna arasında 350 milyon dollarlıq anlaşma

11.09.2026 - 08:23