Buraxılış imtahanlarının proqramları yeniləndi

Dövlət İmtahan Mərkəzi (DİM) 2027-ci ildə keçiriləcək ümumi orta (9 illik) və tam orta (11 illik) təhsil səviyyələri üzrə buraxılış imtahanlarının proqramlarını açıqlayıb. Proqramlar həm Azərbaycan, həm də rus dillərində təqdim olunub.

Minval.info xəbər verir ki, ümumi orta təhsil səviyyəsi üzrə Azərbaycan bölməsi üçün Azərbaycan dili, riyaziyyat və xarici dillər, rus bölməsi üçün isə rus dili, riyaziyyat, xarici dillər və Azərbaycan dili (dövlət dili) üzrə proqramlar təqdim edilib. Tam orta təhsil səviyyəsi üzrə isə hər iki bölmə üçün eyni fənlər üzrə proqramlar açıqlanıb.

DİM-dən verilən məlumata görə, ümumi orta təhsil səviyyəsi üzrə buraxılış imtahanında 2026-cı ildəki imtahan modeli tətbiq ediləcək. Tam orta təhsil səviyyəsi üzrə buraxılış imtahanında isə xarici dillərdən dinləyib-anlama bacarıqlarını yoxlamaq üçün müxtəlif mətnlər və tapşırıqlar istifadə olunacaq. Oxuyub-anlama, qrammatika və leksika üzrə biliklərin yoxlanılması üçün də müxtəlif tapşırıqlar nəzərdə tutulub.

ƏLAQƏLİ

Bunu da oxu

Mayk Tayson İstanbula gəldi: Bu serialda rol alacaq?

27.10.2026 - 12:14

Proqramların sonunda əsas ədəbiyyat kimi respublikanın ümumtəhsil müəssisələrində istifadədə olan dərsliklər göstərilib. Əlavə ədəbiyyat siyahısında qeyd olunanlardan isə orta məktəbdə öyrənilənlərin təkrarı üçün istifadə edilə bilər.