Taksi qiymətləri niyə yüksəlir? Səbəblər açıqlandı!

Son günlərdə taksi xidmətlərində qiymətlərin artması müşahidə olunur. Sərnişinlər eyni məsafə üçün əvvəlki günlərlə müqayisədə daha yüksək ödəniş etməli olduqlarını bildirirlər.

Minval.info xəbər verir ki, “Bolt” şirkətinin mətbuat xidmətindən verilən məlumata görə, platformada gedişhaqqı dinamik şəkildə formalaşır. Bu qiymətlər sifariş zamanı mövcud tələb-təklif nisbəti, yol hərəkətinin intensivliyi, marşrutun uzunluğu, səfərin müddəti və sürücülərin əlçatanlığı kimi amillərdən asılı olaraq dəyişir.

Hava şəraiti, məsələn, yağışlı və ya soyuq hava, taksiyə tələbatı artıra bilər. Bu zaman aktiv sürücülərin sayı azaldıqda, qiymətlərdə müvəqqəti artım müşahidə oluna bilər. Lakin hava şəraiti özü ayrıca qiymət artımı tətbiq etmir, onun yaratdığı yüksək tələbat dinamik qiymətləndirməyə təsir göstərə bilər.

ƏLAQƏLİ

Bunu da oxu

Badamdarda dörd aylıq yol problemi: Hələ də həll yoxdur

11.09.2026 - 09:40

“Yango” şirkətindən bildirilib ki, səfərin qiyməti avtomatlaşdırılmış alqoritm əsasında, şəhərdəki real vəziyyətə uyğun olaraq formalaşır. Yekun məbləğ xətdə olan boş avtomobillərin sayı ilə sifarişlərin nisbətindən, yollardakı sıxlıqdan, hava şəraitindən və təyinat yerinin xüsusiyyətlərindən asılıdır. Əgər müəyyən bir ərazidə tələbat mövcud boş maşınlardan çoxdursa, alqoritm sürücüləri həmin istiqamətə cəlb etmək üçün sistemi tənzimləyir. Yollardakı hərəkətlilik azaldıqda və balans bərpa olunduqda qiymət dərhal adi vəziyyətinə qayıdır.