Suraxanıda yol təmiri: Sıxlıq artdı!

Suraxanı rayonu, Elzar Yusubov küçəsində yerləşən “Qərib Ağa Məscidi”nin yaxınlığında aparılan təmir işləri səbəbindən nəqliyyatın hərəkətinə məhdudiyyətlər tətbiq edilib. Bu səbəbdən sürücülər Hövsan (MİDA) yolundan istifadə edərək Zığ şosesi istiqamətində hərəkət etməyə məcbur olurlar.

Minval.info xəbər verir ki, bu vəziyyət nəticəsində həm təmir işləri, həm də bəzi sürücülərin yolun əks istiqamətinə çıxması səbəbindən yolda ciddi nəqliyyat sıxlığı müşahidə olunur. Hazırda yol polisi əməkdaşları yaranan sıxlığın aradan qaldırılması üçün tədbirlər görməkdədirlər.