Odessa yaxınlığında dron hücumu: İki azərbaycanlı həlak oldu

Odessa yaxınlığında Qara dənizdə Somali bayrağı altında üzən “TEDY” yedək gəmisinə dron hücumu baş verib. Hadisə zamanı gəmidə 10 nəfərlik heyət olub ki, bunlardan dördü Azərbaycan, üçü Türkiyə, ikisi Almaniya və biri Ukrayna vətəndaşıdır.

Minval.info xəbər verir ki, hücumdan sonra gəmi Konstansa limanına doğru hərəkət edərkən daha iki dron hücumuna məruz qalıb. Bu hücumlar nəticəsində iki Azərbaycan vətəndaşı – dənizçilər Aslan Əliyev və Asim Qasımov həyatlarını itiriblər. Digər iki azərbaycanlı dənizçi isə yaralanaraq Odessa şəhərində xəstəxanaya yerləşdirilib və hazırda müalicə alırlar.