Nazirdən ÇAĞIRIŞ: “Rusiya səfirlərini qovun!”

Litvanın xarici işlər naziri Qabrielius Landsberqis bütün Avropa dövlətlərini Rusiya səfirlərini ölkədən qovmağa çağırıb.

Musavat.com xəbər verir ki, bu barədə “Verslo Zinios” portalı məlumat yayıb.

Nazirin sözlərinə görə, Rusiya səfirlərinin Avropada saxlanması indiki halda praktiki olaraq mənasızdır. “Rusiya səfirlikləri artıq diplomatik idarə deyil, müharibə cinayətlərini ört-basdır edən və ümumiyyətlə, soyqırım gündəmini təbliğ edən təbliğat qurumundan başqa bir şey deyil ”, – deyə Qabrielius Landsberqis bildirib.

O, Litvanın hələ ötən ilin aprelində Rusiya ordusunun Buçada hərbi cinayətlər törətdiyi iddiasına cavab olaraq səfiri ölkədən çıxardığını xatırladıb. Bu ilin yanvarında isə Rusiya səfirləri Estoniya və Latviyadan qovulub.

Musavat.com