Namaz qılmayan şəxsin oruc tutması düzgündürmü? - Hacı Şahin aydınlıq gətirdi

Azərbaycanda Ramazan ayının ilk günü mayın 6-da başlayacağı bildirilir. Mayın 5-dən 6-na keçən gecə niyyət gecəsidir. Ramazan ayının son günü iyunun 4-nə təsadüf edir. İyunun 5-6-sı Azərbaycanda Ramazan bayramıdır.

“Namaz qılmayan şəxsin oruc tutması düzgündürmü” sualı əksəriyyəti düşündürən mövzulardan biri hesab edilir.

Milli.Az xəbər verir ki, bu sualı ilahiyyatçı Hacı Şahin Həsənli cavanlandırıb:

“Namaz və oruc ayrı-ayrı vacib ibadətlərdir və bəzi hallarda bəzi insanlar namaz qılmadıqda digərləri ona oruc tutmağın da mənasız olduğunu deyir. Deyir “Namaz qılmırsansa oruc tutub özünə boş-boşuna əziyyət vermə”. O tamamilə yanlış fikirdir, səhv yanaşmadır. Namaz qılmasa belə oruc tutursa, hər bir halda bu onun gələcəkdə Allaha yaxınlaşmasına xidmət edə bilər, digər dini ayinləri icra etməyinə yardımçı ola bilər. Ona görə də namaz qılmaq vacib olsa da namaz qılmayan insanların oruc tutması lazımdır və oruc tutanlar da oruclarına davam edə bilərlər”.

Həmçinin oxu: Hacı Şahin Ramazan ayının özəlliyindən və oruc tutmağın qaydalarından danışdı – Video