Messi primerada 6000-ci qolu vurdu - VİDEO

Argentina milli komandasının futbolçusu Lionel Messi “Barselona” klubunun heyətində İspaniya çempionatında 6000-ci qolunu vurub.

Minval.info Report-a istinadən bildirir ki, bu, ilk turda “Alaves”lə ev oyununa təsadüf edib.

Messi 64-cü dəqiqədə cərimə zərbəsini dəqiq yerinə yetirib. O, 90+2-ci dəqiqədə də fərqlənib. Daha bir qolu isə 83-cü dəqiqədə Filippe Koutinyo vurub. Beləliklə, “Barselona” 3:0 hesabı ilə qalib gəlib.

Lionel Messi La Liqada 5000-ci qolun da müəllifi olub. Bu, 1 fevral 2009-cu ildə “Rasinq”lə XXI tur görüşünə təsadüf edib. “Barselona”nın 2:1 hesabı ilə qalib gəldiyi oyunda da Messi “dubl” müəllifi olub.