Melani Tramp, Pompeo, Şəhla Hümbətova: Azərbaycanlı vəkilin böyük uğuru – FOTO

Martın 4-də ABŞ-ın Dövlət katibi Michael R.Pompeo Dövlət Departamentində İllik Beynəlxalq Cəsarətli Qadınlar mükafatını təqdim edib. Bu il mükafat dünyadan 12 qeyri-adi qadına verilir.

Mükafata layiq görülənlər sırasında 2013-cü ildən Azərbaycanda vəkil kimi fəaliyyət göstərən Şəhla Hümbətova da var.

Musavat.com “Azadlıq” radiosuna istinadən xəbər verir ki, mükafatla bağlı məlumatda aşağıdakılar yer alıb: “O, fundamental azadlıqlarından istifadə etdiyinə görə cəzalandırılan fərdləri davamlı olaraq müdafiə edən azsaylı vəkillərdəndir. O, insan haqları müdafiəçilərini, jurnalistləri, gənc fəalları, siyasi müxalifətdən olanları və digərlərini cəsarətlə müdafiə edib. O, digər vəkilləri də siyasi həssas işlərdə müştərilərini daha yaxşı müdafiə etməyə həvəsləndirib, onun mühafizəkar cəmiyyətdə LGBT üzvlərini cəsarətlə təmsil etməsi vətəndaş cəmiyyətini dözümlülük yolunda daha da irəli aparıb. O, insan haqları vəkillərinin mütəmadi olaraq qısnandığı, sosial mediada hədələndiyi, vəkillikdən kənarlaşdırıldığı çətin bir mühitdə bu işləri boynuna götürən iki qadın vəkildən biridir”.

ƏLAQƏLİ

Bunu da oxu

Məktəb mədrəsə deyil, öz qaydaları var

12.10.2026 - 17:54

Martın 4-də mükafatlandırma mərasimində Birinci ledi Melania Tramp çıxış edib.

Mükafat artıq 14-cü ildir verilir. Məqsəd dünyada sülh, ədalət, insan haqları, gender bərabərliyi, qadınlara səlahiyyət verilməsi üzrə müstəsna cəsarət və liderlik göstərən, bunu adətən böyük şəxsi risk və qurban verərək edən qadınları tanımaqdır.

Aydın Mirzəzadədən məktəbli geyimi ilə bağlı açıqlama: Milli ənənələr nəzərə alınıb

ƏLAQƏLİ

Bunu da oxu

Aydın Mirzəzadədən məktəbli geyimi ilə bağlı açıqlama: Milli ənənələr nəzərə alınıb

12.10.2026 - 11:34

2007-ci ilin martından bəri Dövlət Departamenti 73 ölkədən 134 qadını bu mükafata layiq görüb. Bu ilki təqdimatdan sonra laureatların sayı 146-ya çatacaq.

Bu il Beynəlxalq Cəsarətli Qadın mükafatına layiq görülənlər sırasında Əfqanıstandan keçmiş mer Zarifa Ghafari, Ermənistandan jurnalist Lucy Kocharyan, Boliviyadan jurnalist Ximena Galarza və digərləri də var.

Topp row, from left: Zarifa Ghafari, Lucy Kocharyan, Shahla Humbatova, Ximena Galarza, Claire Ouedraogo, Sayragul Sauytbay. Bottom row, from left: Susanna Liew, Amaya Coppens, Jalila Haider, Amina Khoulani, Yasmin Al Qadhi, Dr. Rita Nyampinga (State Dept.)

Musavat.com xəbər verir ki, sosial şəbəkədə həmkarları və jurnalistlər Ş.Hümbətovanı təbrik ediblər. Hüquqşünas Ələsgər Əhmədoğlu isə təltif fotosunu paylaşaraq aşağıdakıları yazıb: “Şəkildə solda ABŞ Prezidentinin xanımı Melania Tramp”dır. Sağdakı ABŞ dövlət katibi Mike Pompeodur. Ortadakı isə Azərbaycan Vəkillər Kollegiyası tərəfindən vəkilliyin 100 iliyi qeyd olunan il min bir oyunla vəkillikdən çıxarılan Şəhla xanımdır. Şəhla xanıma nüfuzlu mükafat olan “Cəsarətli qadınlar” mükafatını ABŞ dövlət katibi Mike Pompeo təqdim edir və ABŞ-ın Birinci Xanımı Melania Tramp təbrik nitqi söyləyir. Bizim “vəkilliyi inkişaf etdirənlər” isə onun məsləyini icra etmə yollarını bağlamaqla öz “tövhələrini” verirlər. Təbriklər Şəhla xanım!”