Məktəblərə hücumlar: Nardaran ssenarisi yenidən gündəmdə

Son günlər “hicab qadağası” iddiası ilə məktəblərə hücumlar təşkil edilir. Bu hücumların birində “İmam Zaman canazadə dəftəri” ifadəsi ilə mərsiyə deyilməsi diqqət çəkir. Mərsiyəni deyən şəxsin kimliyi isə hələ də bilinmir.

Minval.info xəbər verir ki, məktəbli forması ilə bağlı qərarın “hicab qadağası” kimi təqdim edilməsi bu hücumların bir hissəsidir. Hələ 12 oktyabrda “hicaba dəstək” aksiyası planlaşdırılmış və səhər saatlarından etibarən eyni vaxtda müxtəlif məktəblərə hücumlar təşkil edilmişdir. Bu aksiyalarda məktəblilər ön planda olsa da, onların yönləndirildiyi aydın görünür.

Məktəblərin birində qapı-pəncərələrin sındırılması ilə nəticələnən hücumda yeniyetmələr də iştirak etmişdir. Onları bu hərəkətlərə yönləndirənlərin kimliyi maraq doğurur. İlk baxışda valideynlərin bu işdə əli olduğu düşünülə bilər, lakin əksər valideynin övladını belə təhlükəli aksiyalara cəlb etməsi şübhəlidir.

ƏLAQƏLİ

Bunu da oxu

FHN yanğın təhlükəsizliyi mövzusunda kütləvi aksiya keçirdi

10.10.2026 - 16:48

Publika.az-ın məlumatına görə, bu hücumların arxasında müəyyən qrupların durduğu ehtimal edilir. İddialara görə, bu qruplar Nardaranda və Gəncədə də eyni taktikalardan istifadə etmişdilər. Bu dəfə də eyni ssenari tətbiq olunur.

Hücumların arxasında İrana bağlı qüvvələrin dayanması iddia edilir. Qumda keçirilən konfransda “hicab qadağası” iddiası ilə geniş təbliğat kampaniyası başladılmış və bu kampaniya İrandan idarə edilən profillər tərəfindən dəstəklənmişdir.